Përmes një lidhjeje virtuale, u.d i detyrës së sekretarit të Federatës së Futbollit të Kosovës, Taulant Hodaj e ka quajtur “skandaloz” dokumentin e komisionit të MKRS-së – në lidhje me kryetarin e FFK-së, Agim Ademi.
Ai fillimisht tha se “kjo për mendimin tim në aspektin juridik dhe atë që kërkohet në udhëzimin administrativ është e jashtëligjshme atë që e ka bërë komisioni’.
“Nuk është kompetent, nuk janë të thirrur dhe nuk kanë të bëjnë konstatime konform kodit disiplinor të FIFA-s”.
Hodaj po ashtu shtoi se “ne, duke e parë këtë veprim, mund ta quajmë skandaloz të komisionit, kemi kërkuar zyrtarisht nga FIFA, që ky ka qenë një interpretim të tyre, dhe ata e kanë dhënë një reagim të tyre, e kemi pa një shkresë zyrtare nga FIFA, ku tregojnë që ata janë kompetent për të interpretuar kodin disiplinor të tyre, dhe e interpretojnë ata qysh është, e jo siç bën konstatime të gabuara ky komision”.
“Për më shumë, FIFA zyrtarisht FIFA zyrtarisht konstaton që Agim Ademi, kryetar aktual i FFK-së, nuk ka qenë nën hetime për shkelje të kodit disiplinor”.
“Dueli Sportiv” do të vazhdojë çdo të diele, me fillim nga ora 22-00.
Përveç diskutimeve për futbollin vendor, në vazhdim do të ketë edhe shumë gjëra tjera nga bota e sportit.