Deputetja e Partisë Demokratike të Kosovës (PDK), Blerta Deliu, ka kritikuar mediumin publik të Radio Televizionit të Kosovës (RTK), për të cilët ka thënë se nuk e kanë transmetuar konferencën e tyre ku flitej për keqpërdorime në sektorin energjetik.
Ajo ka kërkuar nga RTK, që të sqarohen në lidhje me këtë rast.
“Në konferencën e djeshme kanë qenë të gjitha mediat, dua t’i falënderoj ata. Në konferencën e djeshme ka qenë edhe RTK, kronika në lajme ka munguar, ne nuk e kemi parë storjen tonë. Mediumi publik nuk e ka transmetuar konferencën, kjo është sulm ndaj demokracisë ndaj fjalës së lirë. Kërkoj nga RTK që të sqarohet në lidhje me këtë shkarje sepse ka penguar”, ka deklaruar Deliu.
Në vazhdim ajo ka ripërsëritur kërkesën e PDK-së, që të votohet themelimi i një komisioni hetimor parlamentar që do të hetonte dyshimet mbi keqpërdorimet e mundshme në sektorin energjisë.