Është bërë e ditur se gjatë kësaj të hëne rreth orës 19:00, Policia e Kosovës ka pranuar edhe një tjetër kërcënim me bombë në Aeroportin e Prishtinës, “Adem Jashari”.
Rastin për portalin Dukagjini e ka konfirmuar zëdhënësja e Policisë për rajonin e Prishtinës, Flora Ahmeti.
“Rreth orës 19:00 është pranuar një informatë tjetër, për dyshimet që ndërlidhen me një shpërthim të mundshëm në Aeroportin Ndërkombëtar ‘Adem Jashari'”, ka thënë ajo.
Ahmeti ka shtuar se policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për ta menaxhuar me situatën.
Kërcënimi i parë në Aeroportin e Prishtinës “Adem Jashari” është raportuar të ketë ndodhur rreth orës 16:00.