Kuvendi i Kosovës seancën e së mërkurës e ka nisur me një minutë heshtje në nderim të viktimave që humbën jetën nga tërmeti në Turqi e Siri.
Kryetari i Kuvendit, Glauk Konjufca, u ka shprehur ngushëllime të gjithë familjarëve të viktimave që kanë humbur jetën në këtë tërmet tragjik dhe të lënduarve u ka uruar shërim të shpejtë.
Po ashtu, edhe në mbledhjen e qeverisë, kryeministri i Kosovës, Albin Kurti ka kërkuar nga kabineti qeveritar që mbledhjen të nisin me një minutë heshtje.
Në shenjë solidarizimi me jetët e humbura nga tërmeti, dita e sotme është ditë zie shtetërore.
Ndryshe, të hënën e 6 shkurtit, Turqia dhe Siria janë goditur nga një tërmet me magnitudë 7.8, i cili deri më tani ka lënë të vdekur mbi 11 mijë persona.