Shefi i Zyrës së BE-së, Tomas Szunyog, ka bërë të ditur se gëzohet që Kosova po i afrohet ratifikimit të marrëveshjeve të nënshkruara në kuadër të Procesit të Berlinit.
Qeveria e Kosovës të mërkurën ka miratuar tri projektligje që kanë të bëjnë me marrëveshjet në kuadër të Procesit të Berlinit.
“Më vjen mirë që Kosova po i afrohet ratifikimit të marrëveshjeve të Procesit të Berlinit për lirinë e lëvizjes dhe njohjen e kualifikimeve profesionale dhe akademike në BB. Pas miratimit të projektligjeve nga Qeveria, shpresoj në një ratifikim të shpejtë nga Kuvendi”, shkroi ai.
Glad to see that🇽🇰is getting closer to ratifying the #BerlinProcess agreements on the freedom of movement & the recognition of professional and academic qualification in the WB.
Following the adoption of the draft laws by the Gov. I hope for a swift ratification by the Assembly.— Ambassador Tomáš Szunyog (@EUAmbKS) February 9, 2023
Qeveria e Kosovës ka mbajtur mbledhjen e saj të 127-të, në të cilën ka miratuar tri marrëveshjet që u nënshkruan në kuadër të Procesit të Berlinit mes gjashtë vendeve të Ballkanit Perëndimor, në nëntor të vitit të kaluar.
Ekzekutivi, në mbledhjen e 8 shkurtit, ka miratuar marrëveshjen për liri të lëvizjes me letërnjoftime me Bosnje Hercegovinën, marrëveshjen për njohje të kualifikimeve profesionale të mjekëve, stomatologëve dhe arkitektëve në kontekstin e Marrëveshjes së Tregtisë së Lirë të Evropës Qendrore dhe marrëveshjen për njohjen e kualifikimeve të arsimit të lartë në Ballkanin Perëndimor.
Kryeministri, Albin Kurti, ka thënë se ratifikimi i këtyre marrëveshjeve është tregues i përkushtimit dhe angazhimit të Kosovës për bashkëpunim rajonal.
Të gjitha marrëveshjet e miratuara nga Qeveria në mbledhjen e 127-të