Vajzat e Kombëtares A kanë arritur në Alanya të Turqisë, ku do të marrin pjesë në turneun miqësor “Turkish National Womens Cup Alanya 2023”, ka njoftuar Federata e Futbollit e Kosovës
Në këtë turne do të marrin pjesë edhe Turqia, Kosova, Estonia, Bullgaria, Honkongu, Jordania, Maqedonia e Veriut, Sllovenia, Afrika e Jugut, Uzbekistani dhe Zambia, të ndara në 3 grupe.
Ekipet janë akomoduar në hotelin “Selene” buzë detit në Alanya.
FFK bëri të ditur se pasdite “Dardanet” kanë mbajtur një seancë stërvitore në fitnes pak a shumë për të relaksuar punën e muskujve nga udhëtimi.
Kombëtarja A ndeshjen e parë do ta zhvillojë më 15 shkurt, kundër Estonisë, në orën 18:00 sipas kohës lokale apo në 16:30 sipas kohës në Kosovë.
Ndërkaq, në ballafaqimin e dytë Kosova takohet me Honkongun, ndërsa në ndeshjen e tretë Kosova takohet me Bullgarinë.
