Kryeministri i Kosovës, Albin Kurti, ka thënë për dy vjetorin e Qeverisë së tij, se zgjedhjet e mbajtura më 14 shkurt ishin zgjedhjet e ndryshimit.
Sipas tij ajo datë kujton vullnetin dhe pritjet e qytetarëve. Ndërsa, ka theksuar se ishte datë kur fitoi populli dhe demokracia.
“Fitorja e madhe e shkurtit ishte ndryshe, sepse ishte vet ndryshimi. Ishte fitore, sepse fituan qytetarët dhe e gjithë shoqëria. Ajo na rikujton më së miri vullnetin dhe pritjet e qytetarëve tanë, të cilëve do të ju shërbejmë çdo ditë me përpikmëri”, ka thënë kryeministri i Kosovës, Albin Kurti në një postim në llogarinë e tij.
Kurti përmes një postimi në Facbook, ka lavdëruar punën e tij duke thënë se sikurse në secilën prej 730 ditëve edhe në vazhdim nga kjo Qeveri ekziston përkushtimi.
“Bashkë sot, sikurse më 14 shkurt 2021, sikurse në secilën prej 730 ditëve që lamë pas. Bashkë përballë sfidave e detyrave që kemi përpara. Me përkushtim që nuk zbehet. Me përgjegjësi që rritet”, ka shkruar Kurti.
“Bashkë deri në realizimin e plotë të zotimeve tona për punësim dhe drejtësi”.