Sipas një deklarate nga The Carter Center, ish-presidenti i ShBA-së, Jimmy Carter do të fillojë të marrë kujdesin bujtinë.
“Pas një sërë qëndrimesh të shkurtra në spital, ish-presidenti amerikan Jimmy Carter sot vendosi të kalojë kohën e mbetur në shtëpi me familjen e tij dhe të marrë kujdesin bujtinë në vend të ndërhyrjes mjekësore shtesë. Ai ka mbështetjen e plotë të familjes dhe ekipit të tij mjekësor”, thuhet në deklaratë.
Carter, i cili mbushi 98 vjet vitin e kaluar, u bë presidenti më i vjetër i SHBA-së në histori pas vdekjes së George H.W. Bush, i cili vdiq në fund të 2018 në moshën 94-vjeçare.
Presidenti i 39-të i vendit ka mbajtur një profil të ulët publik në vitet e fundit për shkak të pandemisë së koronavirusit, por ka vazhduar të flasë hapur për rreziqet ndaj demokracisë në mbarë botën.
Gjatë vitit 1015, Carter ka mundur kancerin e trurit në vitin 2015, por u përball me një sërë shqetësimesh shëndetësore në vitin 2019, dhe si pasojë iu nënshtrua një operacioni për të hequr presionin në trurin e tij.
Vështirësitë e tij shëndetësore e detyruan atë të hiqte dorë nga tradita e tij dhjetëvjeçare e mësimdhënies në shkollën e së dielës në Kishën Baptiste Maranatha në qytetin e tij të lindjes Plains, Georgia.
Ish-presidenti vazhdon të nderohet gjerësisht për mbrojtjen e të drejtave të njeriut.
Ndërmjetësimi i tij i Marrëveshjeve të Camp David në 1978 me presidentin egjiptian, Anwar Sadat dhe kryeministrin izraelit, Menachem Begin mbetet qendror në trashëgiminë e tij.
Në vitet e tij pas presidencës, Carter ka themeluar “Qendrën Carter” së bashku me gruan e tij, Rosalynn, me shpresën për të avancuar paqen dhe shëndetin botëror. Qendra ka punuar për të avancuar demokracinë duke monitoruar zgjedhjet e huaja dhe duke reduktuar sëmundjet në vendet në zhvillim gjatë viteve.
Ish-presidneri i ShBA-së, Jimmy Cartet ka marrë çmimin Nobel për Paqen në vitin 2002, për përpjekjet e tij për të nxitur paqen në të gjithë globin.
Një zyrtar për CNN ka thënë se presidenti Joe Biden, një koleg demokrat dhe admirues për një kohë të gjatë i Carter, është këshilluar për shëndetin në rënie të ish-presidentit dhe vendimin e tij për të kërkuar kujdes në bujtinë.
Biden po qëndron në kontakt të ngushtë me familjen Carter dhe rrethin e ngushtë të këshilltarëve të ish-presidentit, raporton CNN.