Policia e Kosovës ka njoftuar se të dielën e 19 shkurtit, disa persona i kanë sulmuar fizikisht dy zyrtarë policorë në komunën e Rahovecit.
Sipas njoftimit, në momentin e sulmit, policët ishin në kryerje të detyrës, derisa bëhet e ditur se ata kanë marrë trajtim mjekësor.
Rasti është cilësuar si “Sulm ndaj zyrtarit policor” dhe është duke u hetuar nga Policia e Kosovës.
“Është raportuar se disa persona kanë sulmuar zyrtarët policorë që ishin në kryerje të detyrës ku si pasojë dy zyrtarë policorë kanë pësuar lëndime. Viktimat kanë marrë tretman mjekësor. Rasti është duke u hetuar”, thuhet në njoftim.