Projektligji për Byronë Shtetërore për Verifikimin dhe Konfiskimin e Pasurisë së Pajustifikueshme është kontestuar në Gjykatën Kushtetuese nga Partia Demokratike e Kosovës.
Lajmin e ka konfirmuar për “Betimin për Drejtësi” Përparim Gruda, koordinator i Departamentit për Drejtësi në kuadër të Kabinetit të Qeverisjes së Mirë në PDK.
Më 9 shkurt 2023, Kuvendi i Kosovës e miratoi në lexim të dytë Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme.
Afati për dorëzimin e kërkesës në Kushtetuese, sipas Nenit 113.5 të Kushtetutës së Kosovës, parashtrohet brenda një afati prej tetë ditësh, nga dita e miratimit të ligjit ose vendimit të caktuar.