Ish-presidenti i Serbisë, Boris Tadiq, ka reaguar duke e akuzuar presidentin serb, Aleksandar Vuçiq, pas pranimit të propozimit evropian. Ai ka thënë se mediat që janë të kontrolluara nga Vuçiq, sipas tij, janë duke e vënë në pah Asociacion e Komunave me shumicë serbe, më qëllim që të mbulohen dështimet e presidentit aktual në dialogun me Kosovën.
Më tej, Tadiq ka thënë se çdo humbje të Vuçiqit në dialog mediat e kontrolluara nga ky i fundit janë duke e paraqitur si fitore të presidentit të Serbisë.
“Mediat e regjimit në Serbi po pompojnë artificialisht dhe me urdhër rëndësinë e madhe të formimit të Asociacionit të Komunave Serbe në mënyrë që çdo humbje në negociatat në Bruksel të paraqitet në mënyrë të rreme si fitore nga Vuçiq”, ka thënë Tadiq në Twitter.
Ish-presidenti i Serbisë u është drejtuar serbëve duke iu thënë që Asociacioni nuk duhet të cilësohet si fitore.
Režimski mediji veštački i po nalogu pumpaju ogroman značaj formiranja ZSO kako bi svaki poraz u pregovorima u Briselu bio lažno predstavljen kao pobeda.
Gradjani moraju znati da ZSO nije nikakva pobeda, niti institucija koja obezbedjuje dugoročni opstanak našeg naroda na KiM!
— Boris Tadić (@BorisTadic58) February 27, 2023
“Qytetarët serbë duhet ta dinë se Asociacioni nuk është fitore”, ka përfunduar Tadiq.