Agjentët e FBI-së kanë arrestuar një burrë që dyshohet se solli një mjet shpërthyes në një aeroport të Pensilvanisë të hënën.
Mark Muffley, 40 vjeç, akuzohet se ka vendosur pajisjen në çantën e tij, gjatë një fluturimi në Orlando, Florida.
Ai u largua nga aeroporti, pasi emri i tij u thirr me altoparlant me zë të lartë, thonë agjentët, dhe u arrestua në shtëpi më vonë po atë mbrëmje.
Zyrtarët e Administratës së Sigurisë së Transportit (TSA) thonë se e panë pajisjen gjatë një kontrolli rutinë.
Zyrtarët thonë se Muffley u regjistrua për Allegiant Air Flight 201 në Aeroportin Ndërkombëtar, Lehigh Valley, 65 milje (105 km) në veri të Filadelfias, të hënën në mëngjes.
Rreth një orë më vonë, kontrolluesit e TSA zbuluan artikullin e dyshimtë dhe thirrën specialistë të FBI-së, duke përfshirë një teknik bombë, për ta ekzaminuar pajisjen.
Çanta përmbante gjithashtu “një kanaçe me butan, një çakmak, një tub me mbetje pluhuri të bardhë, një trap me valë me bateri pa tela” dhe dy ndërprerës që ishin ngjitur së bashku.
Pesë minuta pasi u shfaq në altoparlantin e aeroportit, Muffley u pa nga kamerat e sigurisë duke dalë nga aeroporti, thonë dokumentet e gjykatës.
Ai akuzohet për posedim të një eksplozivi në një aeroport dhe posedim ose tentativë për të vendosur një mjet shpërthyes ose ndezës në një avion.
Ai do të dalë para gjykatës të enjten.