Analisti Dibran Hoxha ka thënë se nuk duhet mohuar që nuk ekziston një lloj stigmatizimi ndaj lokaliteteve të caktuara.
Hoxha ka thënë se Partia Demokratike e Kosovë (PDK) do që ta shfrytëzoj Drenicën si rajon për t’u viktimizuar dhe për të kërkuar vota.
“Nëse aludojmë në qeverisje të PDK-së kjo ka funksionuar”, ka thënë Hoxha në emisionin “Debat Plus“.
Analisti Hoxha ka shtuar se qytetarët nuk duhet të bien pre e këtij “kurthi”.
“Ata duhet të pyesin vetën se pse jemi në këtë gjendje, të paarsimuar, në gjendje të rëndë ekonomike, pa qasje në emancipim në përgjithësi”, ka shtuar Hoxha.