Krasniqi për nenin 6 të marrëveshjes: Sjell cikël të pafundmë të negociatave e kompromiseve

Kryetari i PDK-së, Memli Krasniqi, ka thënë se neni 6 i planit evropian sjell kompromise të reja për Kosovën

Kryetari i PDK-së, Memli Krasniqi, duke e komentuar nenin 6 të planit evropian

Neni 6 i planit evropian, sipas kryetarit të Partisë Demokratike të Kosovës (PDK), Memli Krasniqi, sjell negociata të pafundme e shumë kompromise të reja, të cilat nuk i nevojiten Kosovës.

Këto tema, të cilat, sipas tij, i sjell ky nen, kanë qenë duke u dialoguar që nga fillimi i dialogut teknik.

“Kjo çka sjell është një cikël të ri të pafundmë të negociatave, të kompromiseve, temave dhe diskutimeve që i kemi pasur prej që ka filluar dialogu teknik”, ka thënë ai gjatë intervistës në ‘Debat Plus‘ në RTV Dukagjini.

I pari i PDK-së tha po ashtu se edhe terminologjia e përdorur në marrëveshjen e propozuar nga BE është tejet problematike për shkak të dykuptimësisë gjuhësore.

“Terminologjia është problematike, krejt teksti vuan prej asaj që është lëngatë e përhershme e teksteve evropiane, ambiguitetit konstruktiv, dykuptimësisë, e cila e bën të lehtë të interpretohet secila palë si ka qejf, për t’ia mbushur mendjen atyre që i kanë mbështetës”, tha ai.

Problematike, sipas Krasniqit, është edhe që në vend të fjalës “finale” është përdorur termi “marrëveshje ligjërisht e obligueshme”.

Shija e redaktorit

Ali Ahmeti: Dëshmia e James Rubin çmontoi propagandën kundër UÇK-së

Lideri i Bashkimit Demokratik për Integrim (BDI), Ali Ahmeti, ka reaguar pas dëshmisë së dhënë nga James Rubin në gjykimin ndaj ish-krerëve të Ushtrisë...

“Me zemër e mendje jam atje Komandant!”: Edi Rama përkrah...

Kryeministri i Shqipërisë, Edi Rama, ka dalë me videopërkrahje të protestës kundër Gjykatës Speciale që po zhvillohet në Hagë, nga shqiptarë anekënd botës. Rama shkroi...

Shqipëria hap 4 kapituj të rinj në negociatat me BE...

Shqipëria do të hapë më 16 shtator katër kapituj të tjerë të negociatave për anëtarësim në Bashkimin Evropian, në kuadër të Konferencës së 6-të...

Të fundit nga rubrika