Pas takimeve me liderët e partive opozitare në Kosovës, emisari i BE-së për dialog, Miroslav Lajçak, ka dhënë detaje për çfarë është diskutuar.
Ai, në një prononcim për media, tha se qëllimi i takimeve ishte që opozita të njoftohej për ecurinë e dialogut dhe pritshmëritë e komunitetit ndërkombëtar, sa i përket takimit të 18 marsit në Ohër.
Ai tha se është e rëndësishme që opozita nuk u njoftua nga mediat apo kuvendi, por direkt nga ai.
“I informomova për procesin për pritjet e komunitetit ndërkombëtar, ua shpjegova pozicionet e palëve, është gjithçka pjesë e përgatitjes për takimin e 18 marsit. Është e rëndësishme që nuk u njoftuan vetëm përmes mediave apo kuvendit, u njoftuan përmes meje, takimi e arriti qëllimin që kishim”, ka thënë ai.
Takimi i fundit i Lajçak, në vazhdën e atyre me opozitën, ishte me kryetarin e LDK-së, Lumir Abdixhiku. Pas takimit, Abdixhiku nuk pranoi të deklarohej për media. Ditë më parë, ai kishte deklaruar se LDK nuk do të votonte pro marrëveshjes Kosovë-Serbi, siç është aktualisht.