Krasniqi mbledh kryesinë e PDK-së: Qëndrimi për planin evropian mbetet i pandryshueshëm

Kreu i PDK-së, Memli Krasniqi pas takimit me emisarin e BE-së për dialog, Lajçak ka ftuar mbledhjen e kryesisë së partisë, ku është theksuar se qëndrimi i PDK-së mbetet  konsistent dhe i pandryshueshëm në lidhje me planin evropian

Kryetari i PDK-së, Memli Krasniqi me kryesinë e partisë së tij

Kryetari i Partisë Demokratike të Kosovës (PDK), Memli Krasniqi, ka ftuar të premten mbledhjen e Kryesisë së partisë, ku është diskutuar për zhvillimet e fundit politike në vend.

I pari I PDK-së ka njoftuar Kryesinë për takimet dhe komunikimet e ditëve të fundit që ka pasur me akterë të ndryshëm, vendorë dhe ndërkombëtarë, pas dakordimit të kryeministrit, Albin Kurti për propozimin evropian.

Gjatë këtij takimi, Krasniqi i ka informuar anëtarët e Kryesisë edhe për takimin me të dërguarin e posaçëm të BE-së për dialogun ndërmjet Kosovës dhe Serbisë, Miroslav Lajçak, të cilin e priti sot në selinë e Partisë Demokratike të Kosovës.

“Qëndrimi i PDK-së mbetet  konsistent dhe i pandryshueshëm në raport me këtë marrëveshje, e cila është e pamjaftueshme dhe mundësi e humbur për një progres final, të cilin e kanë pritur të gjithë qytetarët e Kosovës”, thuhet në njoftim.

Tutje thuhet se kjo marrëveshje sipas tij heq dorë prej arritjes së njohjes së ndërsjellë.

“Kryeministri Kurti e ka keqpërdorur legjitimitetin qytetar për t’i bërë një dëm afatgjatë Kosovës, duke ia zvarritur në pafundësi konfliktin e ngrirë me Serbinë”, ka thënë Krasniqi.

Në fund të këtij takimi, u dakordua që javën e ardhshme të ftohet edhe mbledhja e Këshillit Drejtues të PDK-së.

Shija e redaktorit

Hotel Dukagjini nikoqir i Asamblesë së Federatës Ndërkombëtare të Alpinizmit...

Rreth 130 përfaqësues të 90 shteteve të ndryshme të botës do të qëndrojnë për disa ditë në Pejë. Kjo për shkak se Federata e Bjeshkatarisë...

Hotel Dukagjini nikoqir i Asamblesë së Përgjithshme të Federatës Ndërkombëtare...

Federata e Bjeshkatarisë dhe Ngjitjes Sportive të Kosovës (FBNSK) shënon një moment historik duke pritur për herë të parë në Kosovë Asamblenë e Përgjithshme...

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Të fundit nga rubrika