Komisioni Qendror i Zgjedhjeve ka dalë me njoftim për të gjitha subjektet politike, ku përfshihen partitë politike, kandidatët e pavarur, koalicionet dhe iniciativat qytetare, se afati për aplikim për certifikim për pjesëmarrje në zgjedhjet e jashtëzakonshme për kryetar të komunave me shumicë serbe përfundon më 22 mars të këtij viti.
Zgjedhjet e parakohshme pritet të mbahen në Mitrovicë e Veriut, Zubin Potok, Leposaviq dhe Zveçan, kurse për kuvendet komunale në Zveçan dhe Leposaviq
KQZ, po ashtu, ka njoftuar se kërkesat për certifikim duhet të dorëzohen në Komisionin Qendror të Zgjedhjeve, përkatësisht në Zyrën për Regjistrim, Certifikim dhe Kontroll Financiar të Subjekteve Politike.
Ndërkaq, nga 9 deri më 13 mars 2023, subjektet politike dhe kandidatët e certifikuar në nëntor dhe dhjetor të vitit 2022, për pjesëmarrje në zgjedhjet e 18 dhe 25 dhjetorit, kanë konfirmuar certifikimin e mëhershëm dhe të njëjtit nuk kanë nevojë të paraqesin aplikim të ri, me përjashtim të udhëzimeve të dhëna nga Zyra për Regjistrim, Certifikim dhe Kontroll Financiar të Subjekteve Politike.