Raportuesja për Kosovën në Parlamentin Evropian, Viola von Cramon, e ka cilësuar si lajm të mirë arritjen e dakordimit për zbatimin e aneksit të marrëveshjes për normalizim të marrëdhënieve në mes të Kosovës dhe Serbisë.
Von Cramon, përmes një postimi në Twitter, ka thënë se shpreson që të zbatohet shpejt kjo marrëveshje.
“Është vërtet lajm i mirë. Po shikoj me padurim të marr më tepër detaje për këtë. Vërtet shpresoj që të shoh zbatim të shpejtë”, ka shkruar Von Cramon.
Ndërsa, shefi i Politikës së Jashtme të BE-së për Politikë të Jashtme dhe Siguri, Josep Borrell, pas përfundimit të takimit 12-orësh në Ohër, ka njoftuar se Kosova dhe Serbia janë pajtuar mbi aneksin e zbatimit për rrugën e normalizimit të marrëdhënieve në mes tyre.
Në një deklarim për media, Borrell ka thënë se si pjesë e këtij aneksi, palët janë pajtuar që të zbatojnë të gjitha nenet e marrëveshjes së propozuar nga Bashkimi Evropian.
‼️ That are really good news.
Looking forward to receiving more details about it.I do hope indeed to see a swift implementation.#Kosovo #Serbia #Dialogue #OhridAgreement https://t.co/t72YTTmSuD
— Viola von Cramon
(@ViolavonCramon) March 18, 2023
