Një person është gjetur pa shenja jete në shtëpinë e tij të hënën e 20 marsit në Pejë.
Policia e Kosovës ka njoftuar se në afërsi të viktimës është gjetur një revole.
Në raportin 24-orësh të policisë thuhet se vdekja e viktimës është konstatuar nga mjeku kujdestar dhe se nuk janë vërejtur shenja dhune.
Policia po vazhdon ta hetojë rastin.
“Raportohet se viktima mashkull kosovar është gjetur pa shenja jete në shtëpinë tij. Vdekjen e viktimës e ka konstatuar mjeku kujdestar dhe se nuk vërehen gjurmë të dhunës. Në afërsi të viktimës është gjetur një revole me një fishek”, thuhet në raport.
Me vendim të prokurorit trupi i pajetë është dërguar në Institutin e Mjekësisë Ligjore për obduksion.