Kryetari i Partisë Demokratike të Kosovës, Memli Krasniqi, shefi i grupit parlamentar të PDK-së, Abelard Tahiri dhe nënkryetari i saj, Uran Ismaili, janë duke qëndruar në Hagë.
Përmes një postimi, Krasniqi është shprehur krenar për “dinjitetin kombëtar që manifeston UÇK-ja”.
“Krenar për dinjitetin kombëtar që manifeston UÇK-ja, bashkë me Uranin e Abelardin jam sot në Hagë, për të ndjekur nga afër fillimin e procesit gjyqësor ndaj çlirimtarëve tanë”, ka shkruar Krasniqi.
I pari i PDK-së ka thënë se janë të bindur se edhe në këtë “betejë” për të vërtetën e epokës së lavdishme të lirisë sonë, ata do të dalin fitimtarë.
“Duke besuar në drejtësi, jemi thellësisht të bindur se edhe në këtë betejë të fundit për të vërtetën e epokës së lavdishme të lirisë sonë, ata do të dalin fitimtarë”.
Këtë të hënë do të fillojë gjykimi ndaj ish-krerëve të Ushtrisë Çlirimtare të Kosovës në Hagë të Holandës.
Sot nis gjykimi ndaj Thaçit dhe ish-krerëve të tjerë të UÇK-së