Komiteti Ekzekutiv i Federatës së Futbollit të Kosovës të hënë 3 prillit ka mbajtur mbledhjen e radhes, ku kanë disktuar për çështjen e licensimit.
Sipas njoftimit zyrtar të FFK-së, nga kjo mbledhje u konstatua se qysh nga data 9 shkurt, Federata i ka plotësuar të gjitha kushtet dhe kriteret e kërkuara nga Komisioni i Ministrisë së Kulturës, Rinisë dhe Sportit.
Tutje thuhet se edhe pjesa dërrmuese e klubeve, mbi 50%, i kanë plotësuar kriteret e kërkuara dhe i kanë dërguar të gjitha dokumentet e tyre më 28 shkurt, teksa klubet tjera po vazhdojnë t’i dërgojnë ato.
KE thuhet se tani po pret nga Komisioni i MKRS-së që të bëjë sa më parë licencimin e FFK-së dhe klubeve. Sipas tyre, nuk ka asnjë arsye që kjo të mos ndodh.
Gjithashtu në këtë mbledhje u theksua edhe njëherë gatishmëria e FFK-së që t’i ndihmojë të gjitha klubet në kompletimin e dokumentacionit të kërkuar nga Komisioni i MKRS-së dhe/ose t’i adresojë këto çështje pranë UEFA-s dhe organeve gjyqësore nëse është e nevojshme.