Kryetari i Partisë Demokratike të Kosovës (PDK), Memli Krasniqi, në 15-vjetorin e miratimit të Kushtetutës së Kosovës, ka thënë se kjo është pasqyrë e vlerave bashkëkohore të shoqërisë sonë që bazohen në rend dhe ligj.
“Për fat të keq, sot në Qeveri kemi një kryeministër dhe shumë ministra që disa herë kanë ndërmarrë veprime antikushtetuese, nga përpjekja për ta vënë nën kontroll dhe për ta cenuar integritetin e Këshillit Prokurorial të Kosovës, ndërhyrja e MASHTI-t në kompetencat e nivelit lokal, si dhe cënimi i lirisë së lëvizjes së qytetarëve gjatë pandemisë, e një varg shkeljesh tjera që janë duke u shqyrtuar nga Gjykata Kushtetuese”, ka shkruar Krasniqi.
Kreu i PDK-së ka thënë se PDK-ja mbetet e përkushtuar “ta mbrojë dhe ruaj këtë akt thelbësor të shtetësisë së Republikës sonë, duke denoncuar çdo veprim që bie ndesh me dispozitat themelore dhe rendin tonë kushtetues”.