Kryeministri i Kosovës, Albin Kurti ka takuar shokët e burgut në Drenas, të hënën e 17 prillit.
“Në Drenas, takova sot dy shokët e mi të burgut, Milazim Mustafën dhe Elmi Gjylanin, ish të burgosur politik. Për të parën herë ishim takuar në burgjet e Pozharevcit e Nishit, në vitin 1999. Këtë herë, me ta ishin bijtë e tyre, të rritur”, ka shkruar Kurti.
Kurti ka treguar se gjatë kohës sëvuajtjes së dënimit, djali i Milazim Mustafës, Asdreni ishte 3 vjeçar, ndërsa djali i Elmi Gjylani, Altini ishte foshnje.
“Milazimi ishte burgosur së bashku me dy vëllëzërit e tij, Halilin dhe Përparimin. Kujtuam bashkë vëllaun e vogël të tij, Përparimin, i cili ka ndërruar jetë më 5 shkurt të këtij viti, pas një infarkti. Ai ishte idealist e punëtor, ish i burgosur politik, që pas luftës, për 22 vite kishte punuar si vozitës i furgonit”, ka shtuar kreu i ekzekutivit.
“Në sytë e Milazimit e Elmisë rrëzëllen dashuria për Kosovën, e në fjalët e tyre nuk dëgjohet tjetër veçse urata për kombin. Kështu i mbajë mend në burg, si motivues e shokë që të qëndrojnë pranë, kështu janë po edhe sot”, ka theksuar ai.