Ka vdekur në moshën 67-vjeçare ish-portieri legjendar ukrainas dhe më vonë gjyqtar i futbollit, Vadim Shevchenko.
Lajmin e ka konfirmuar Federata e Futbollit e Ukrainës nëpërmjet rrjeteve sociale.
“Një tjetër humbje e madhe për futbollin ukrainas. Në moshën 67-vjeçare na la një ish-futbollist, gjyqtari dhe zyrtari në federatë. Federata e Futbollit të Ukrainës shpreh ngushëllimet e saj për familjen dhe miqtë e Vadim Shevchenkos. Do të jetoni përgjithmonë”, thuhet në mesazhin e Federatës së Futbollit në Instagram.
Shevchenko ka luajtur futboll gjatë ish-Bashkimit Sovjetik dhe gjatë karrierës së tij ka veshur fanellat e Avanhard, Krivbas, Pakhtakor, Kiev dhe Niva.
Ai shërbeu vetëm një sezon në kampionatin e ish-Bashkimit Sovjetik, dhe pas rënies së shtetit, ai ishte gjyqtar në ligën ukrainase për më shumë se dhjetë vjet.
Ai ka qenë edhe në listën e FIFA-s për gjyqtar, pasi ka gjykuar ndeshjen kualifikuese për Botërorin në SHBA mes Ishujve Faroe dhe Rumanisë.
