Vazhdon vendosja e kontejnerëve që do të shërbejnë si vendvotime në veri

Edhe këtë të enjte ka vazhduar vendosja e kontejnerëve për zgjedhjet e jashtëzakonshme në veri të Kosovës.

Tashmë është vendosur kontejneri i dytë në Zherovnicë të Zveçanit. Njëri prej kontejnerëve ishte vendosur të mërkurën.

Këta kontejnerë do të përdoren si qendra votimi për procesin zgjedhor që do të mbahet këtë të diel, më 23 prill.

Po ashtu, kontejnerët tashmë kanë filluar të vendosen edhe në rrugën Mitrovicë-Jarinje.

Gjatë vendosjes së kontejnerëve, zyrtarë të Policisë së Kosovës shihen duke ruajtur rendin dhe sigurinë në veri të vendit.

Që të tria komunat, Mitrovica e Veriut, Leposaviqi, Zveçani dhe Zubin Potoku kanë mbetur pa kryetar të komunave që nga nëntori i vitit të kaluar. Kjo pasi serbët braktisën institucionet e Kosovës për shkak vendimit të Qeverisë së Kosovës për riregjistrimin e makinave me targa serbe.

• Vendosen kontejnerët për zgjedhjet në veri

Nga 44 sa kanë qenë në të kaluarën (qendra votimi), kësaj radhe do të jenë 19.

Nga 19 në total, 13 prej tyre do të improvizohen në kontejnerë.