Kryetari i Lëvizjes Vetëvendosje në Mitrovicën Veriore, Armend Muja, ka refuzuar të përgjigjet derisa është pyetur se pse kryeministri i Kosovës, Albin Kurti, nuk është i pranishëm atje.
Muja ka thënë se e konsideron si fitore të rëndësishme fitoren e LVV-së në këtë komunë.
“Unë nuk e bëra tipizime historike, por thashë është një fitore e rëndësishme për qytetarët që të kthehet komuna tek qytetari në shërbime të thjeshta, gjë që në këtë pjesë të Kosovës nuk ka qenë ashtu”.
Sipas tij, deri para një viti “këtu ka pasur vështirësi reale dhe sfida si siguria, arsimi e shëndetësia”.
Armend Muja dhe Agim Bahtiri nga Lëvizja Vetëvendosje pretendojnë se kanë fituar pa balotazh në Mitrovicën e Veriut.
Muja ka thënë se kandidati i tyre Erden Atiq, i ka fituar mbi 65% të votave në këtë komunë.
“Lëvizja VETËVENDOSJE, kandidati Erden Atiq fiton mbi 65% të votave në Komunën Veriore të Mitrovices!”, ka shkruar Muja.
Bahtiri ndërkohë ka thënë se përveç Mitrovicës së Veriut, VV ka fituar edhe në komunën e Leposaviqit.
Në komunën e Mitrovicës kanë marrë pjesë vetëm 837 votues apo 4.62%, kurse në Leposaviq kanë votuar 141 qytetarë apo 1.06%.