Në mbledhjen e Qeverisë është miratuar projektligji për ndarjen e mjeteve buxhetore për zbatimin e masave të efiçiencës së energjisë sipas Planit të Zbatimit për zbutjen e ndikimit të menjëhershëm socio-ekonomik të krizës energjetike.
Qeveria ka marrë vendim për ndarjen e 10 milionë eurove të tjera për zbatim të masave të efiçiencës së energjisë.
Ministri i Financave, Hekuran Murati, ka thënë se kjo masë ka të bëjë me masën tre që parasheh shtrirjen e fondeve të BE-së në vlerë prej 75 milionë eurosh.
“Prezantoj këtë pikë të rëndit të ditës për të ndarë 10 milionë euro për fondin kosovar për eficiencë të energjisë, kjo masë ka të bëjë me masën e veprimit të masave të Ministrisë së Ekonomisë. Mjetet e ndara merren nga kontigjenca për energji shkojnë tek fondi për eficiencë”, ka thënë Murati.