Policia e Kosovës ka bërë të ditur se një person në Prishtinë ka kërcënuar dy zyrtarë të policisë.
Nëpërmjet raportit 24-orësh, policia ka njoftuar se rasti ka ndodhur pas shqiptimit të gjobës nga zyrtarët policorë.
“KANOSJE, Prishtinë 30.04.2023 – 12:30. Është raportuar se i dyshuari mashkull kosovar i kishte kanosur dy zyrtarë policorë për shkak se të njëjtit ia kishin shqiptuar një gjobë për kundërvajtje në trafik. Në konsultim me prokurorin, i dyshuari pas intervistimit është liruar në procedurë të rregullt.”