Presidentja e Kosovës, Vjosa Osmani, u ka shpreh ngushëllime prindërve të fëmijëve që humbën jetën nga sulmi me armë zjarri në një shkollë të Beogradit.
Sipas raportimeve të mediave serbe, vrasjet i kreu një 14-vjeçar, i cili i vrau tetë nxënës dhe rojën e shkollës.
Me këtë rast presidentja Osmani, tha se nuk ka asgjë më të vlefshme se jeta e fëmijëve.
“Nuk ka asgjë më të vlefshme se jeta e një fëmije dhe asgjë më e dhimbshme se humbja e asaj jete. I dërgoj ngushëllimet e mia më të thella të gjithë prindërve që humbën fëmijët e tyre në një sulm të tmerrshëm në shkollë sot në Beograd dhe lutemi për shërim të shpejtë për të gjithë të plagosurit”, ka thënë ajo.
Motivet e sulmit ende nuk dihen, por dyshimet e para janë se 14-vjeçari kishte probleme mendore.