Njësia A5 e termocentralit Kosova A, është rikthyer në operim.
Kështu ka bërë të ditur përmes një postimi në Facebook, ministrja e Ekonomisë, Artane Rizvanolli.
Këtë lajm, ministrja e këtij dikasteri e ka quajtur si një dhuratë nga punonjësit e Kosovës A.
“Punonjësit e Kosovës A më dhanë dhuratën më të mirë për ditëlindje: rikthimi i njësisë A5 në operim. Së bashku me menaxhmentin dhe punonjësit festova ditëlindjen dhe rikthimin e njësisë në termocentralin Kosova A”, shkroi ajo.
Ajo ka shprehur mirënjohje të pafund për punën me përkushtim për rikthimin e bllokut A5.
“Në emër të Qeverisë dhe qytetarëve të Kosovës u shpreha mirënjohjen e pafund për punën me përkushtim për rikthimin e bllokut A5, si dhe për prodhimin me tri njësitë njëkohësisht përkundër sfidave”, shtoi Rizvanolli.