Klubi i basketbollit, Trepça ka bërë të ditur se pas dorëheqjes së Engin Gençoglu nga pozita e trajnerit tashmë ky klub do të drejtohet nga Ilir Selmani në ndeshjet e mbetura finale kundër Pejës.
Ndër të tjera ky klub ka bërë të ditur se me marrëveshje të dyanshme ka ndërprerë bashkëpunimin me trajnerin Engin Gençoglu.
Skuadrën deri në fund të plejofit e drejton Ilir Selmani, që deri më tani ishte në shtabin teknik.
Klubi e ka falënderuar Gençoglun për kontributin e dhënë në këtë skuadër.
“Bashkë kemi fituar Kupën e Kosovës dhe kemi arritur në finale të plejofit. Të gjithë në klub janë të përkushtuar që skuadra të shfaq më të mirën në ndeshjen e nesërme ndaj Pejës”, thuhet në njoftimin e klubit.