Kryeministri i Republikës së Kosovës, Albin Kurti, do të presë në takim përfaqësuesin e posaçëm të Bashkimit Evropian për dialogun Kosovë-Serbi, Mirosllav Lajçak, mëngjesin e së hënës.
Takimi do të zhvillohet në ndërtesën e Qeverisë së Kosovës.
Ndërkaq, pas tij, Lajçak pritet ta vizitojë edhe Serbinë.
Në kuadër të këtyre vizitave, Lajçak pritet të takohet edhe me kryenegociatorët e dy shteteve, me Besnik Bislimin dhe Petar Petkoviqin.
Në takimin e fundit në mes të dy palëve të dialogut, Kosova dhe Serbia kanë arritur pajtim për deklaratën e të zhdukurve nga lufta e fundit në Kosovë.
Njëherit, në këtë takim është prezantuar edhe draft-statuti për themelimin e Asociacionit të komunave me shumicë serbe, draft ky i cili u refuzua nga Qeveria e Republikës së Kosovës.