Yll Limani është një ndër këngëtarët më të suksesshëm në Kosovë, por për jetën e tij sentimentale Limani është i rezervuar.
Në një intervistë për “A Live Night” në Top Channel, Yll Limani ka treguar disa karakterika të vajzës ideale për të.
“Vajza nuk është një trofe siç e konsiderojnë disa njerëz në industri”.
”Por, udhëtoj nëpër zemra, me dijeni nuk kam lënduar shumë asnjë deri tani. Jam shumë kurioz se si do të ndihem nëpër koncerte se e mendoj ndonjëherë (kur të gjej vajzën që dua), por kam me e ditë që edhe ajo do ta paguajë atë faturën e vet, se po vjen në një tokë pak problematike. E di që do të gjejë dikë me karakter të fortë”, është shprehur Limani, transmeton për Top Channel.
Këngëtari kosovar tutje ka shtuar se mund të ndihet i vetmuar kur ”hy në atë kontinent që askush nuk e kupton”.
”Është një kontinent toksik që nuk rri shumë gjatë, por vetmia vjen si pasojë e punës, se je gjithë kohën në mendime për këngën e re, tekstin e ri, veshjen e re dhe fillon me i zgjidhë disa probleme, nuk e bëj shumë shpesh, dy deri tri ditë jam diku vet, gjëja më e vështirë është kjo që po bëj sot, por sapo del unë do ta shoh veten dhe them ‘uu’”.
