Ushtrimi më i madh ndërkombëtar ‘Defender Europe 23″, po zhvillohej siç ishte planifikuar deri një ditë më parë kur edhe situata u përshkallëzua në veri të vendit.
Megjithkëtë, ushtrimi po vazhdonte, e deri në përfundim të tij me 2 qershor kishin mbetur akoma 4 ditë, por gjithcka u përmbyll parakohshëm të martën.
Vecse këtë vendim Ministria e Mbrojtjes e morri tek në orët e natës, kur edhe u njoftuan mediat se “DV day” është anuluar.
Kjo erdhi një ditë pasi pjestarët e KFORI-t ishin sulmuar e lënduar në Zveçan ku si pasojë 25 nga ta mbetën të lënduar, ndërkohë që SHBA-të ishin drejtuesit e këtij ushtrimi madhështor, që mbeti në gjysmë.
Ndërprerja e defenderit duket të jetë pasoja e parë e veprimeve të pakoordinuara të Qeverisë së Kosvës me SHBA-të, sic është shprehur të martën në një takim me gazetarët, ambasadori Jeffrey Hovenier.
Ani pse pa prezencës e krerëve shtetërorem e ambasadorit amerikan sic u planifikua, një fjalë përshëndetëse ndodhi para pjestarëve të ushtrive 5 shteteve që kishin kaluar 1 javë bashkë.
Udhëheqësi Amerikan, dhe gjenerali i FSK-së Enver Cikaqi iu drejtuan ushtarakëve të martën përpara se e gjitha të përfundonte.
Në ceremoninë e sotme pritej të merrnin pjesë presidentja e Kosovës, Vjosa Osmani, Kryetar i Kuvendit, Glauk Konjufca, zëvendëskryeministri Besnik Bislimi, Ministri i Mbrojtjes, Armend Mehaj, Komandanti i FSK-së, gjenerallejtënant Bashkim Jashari, si dhe personalitete nga SHBA, Shqipëria, si dhe vendet tjera partnere.
“Europe Defender” është ushtrimi më i madh ku ka marrë pjesë Kosova dhe FSK, duke dëshmuar gatishmërinë dhe kapacitetet e saj ushtarake.