Si themel i të drejtave të shqiptarëve është konsideruar Lidhja e Prizrenit, nga ana e kryetarit të Aleancës për Ardhmërinë e Kosovës (AAK), Ramush Haradinaj.
Me anë të një postimi në Facebook, Haradinaj ka deklaruar se Lidhja e Prizrenit mbetet më e madhja e shqiptarëve.
“Sot, kujtojmë njërën ndër ngjarjet më të mëdha në historinë e popullit shqiptar, Lidhjen e Prizrenit. Shumë shqiptarë të zotë të asaj kohe, duke e ndjerë rrezikun që popujt fqinj do të lakmojnë në tokat e atdheun e tyre, më 10 qershor 1878, krijuan organizimin e parë politik të vilajeteve shqiptare, me të vetmin qëllim, ruajtjen e integritetit territorial të tokave shqiptare! Pas Lidhjes së Lezhës, kjo ngjarje mbetet lidhja më e madhe e shqiptarëve, e cila është njëkohesisht themel i të drejtave të shqiptarëve në vazhdimësi”, ka deklaruar ai.
Tutje, kryetari Haradinaj ka shprehur mirënjohjet e tij ndaj atdhetarëve që i shërbyen popullit.
“Përjetësisht mirënjohës gjithë atyre atdhetarëve që i prinë popullit shqiptar në ato rrethana aspak të lehta. Njëkohësisht, shprehim respekt për gjithë ata që ruajtën vazhdimësinë e paraardhësve tonë që në qershorin e 1999 Kosova ta fitojë lirinë e saj”, ka shkruar Haradinaj.
Këtë të shtunë mbushen 145 vjet që kur më 10 qershor të vitit 1878 ka filluar organizimi dhe themelimi i Lidhjes Shqiptare të Prizrenit.