Trajneri i mirënjohur, Ismet Munishi, nga sezoni i ardhshëm do të drejtojë skuadrën e Ferizajt.
RTV Dukagjini mëson ekskluzivisht se marrëveshja mes Munishit dhe Ferizajt është arritur të martën.
Tekniku 48-vjeçar do të zë vendin e trajnerit kroat, Andrej Panadiç, i cili u largua para disa ditësh.
Së fundmi, Munishi kishte qenë pjesë e Prishtinës. Ai ishte shkarkuar në mars të këtij viti, pas humbjes nga Malisheva me rezultat 2-1.
Përveç Prishtinës ai ka drejtuar edhe skuadra të tjera si Llamkos Kosova, Ballkani, Vëllaznimi, Feronikeli, Besa e Pejës, Gjilani dhe Drita.
Ferizaj edicionin e ardhshëm do të bëjë pjesë në Ligën e Parë, pasi u mposht në barazh nga Liria pas ekzekutimit të penalltive (3-0).