Ministri i Ministrisë për Administrimin e Pushtetit Lokal, Elbert Krasniqi, ka shkuar për vizitë në objektin e komunës së Leposaviqit, ku është takuar me kryetarin Lulzim Hetemi, i cili ka disa javë që nuk ka dalë nga objekti.
“Në takim me kryetarin e komunës së Leposaviqit, Lulzim Hetemin, diskutuam për zhvillimet në komunë, me ç’rast kryetari më njoftoi për vendimet e fundit”, ka thënë ai.
Krasniqi ka bërë të ditur se Hetemi “ka vazhduar me plotësimin e kabinetit të tij, si rrjedhojë ka emëruar drejtorë në drejtoritë përkatëse: Sretena Bojovic, Andjela Simic, Valton Peci dhe Arjeta Tahiri”.
Ai ka falënderuar kryetarin Hetemi “për përkushtimin e tij që të punojë së bashku me kabinetin e tij për të gjithë qytetarët pa asnjë dallim”.
Ndryshe, protestuesit në Leposaviq kanë tentuar të hyjnë brenda objektit të komunës, por ata i ka ndaluar KFOR-i.