Sipas profesorit Dorajet Imeri, Kosova duhet t’i bindë Shtetet e Bashkuara të Amerikës(SHBA) për ta shtyer atë përpara, pasi historikisht Diplomacia Amerikane njihet si koka e lokomotivës për çështje të rëndësishme si rasti i ndërhyrjes ushtarake në ish-Jugosllavinë, për ta ndalur gjenocidin.
Imeri ka folur konkretisht për rolin e Francës, e cila mban një qëndrim skeptik, ku sipas këtij të fundit, ky shtet nuk mban qëndrim vetëm për Kosovën, por historikisht ka qenë e tillë.
Imeri ka theksuar se Kosova nuk duhet të llogarisë në votën e shteteve që kanë skepticizëm sepse Kosova duhet të shkojë vetëm me vota të sigurta.
“Franca luan rolin kryeneç pas daljes së Britanisë së Madhe nga Bashkimi Evropian si levë, për ta kontrolluar Gjermaninë sepse në garë bëhet fjalë se kush është më faktor në BE”, ka thënë profesori.
Ai ka paralajmëruar një ofensivë destruktive të diplomacisë së Serbisë kundër Kosovës në arenën ndërkombëtare.
“Që Kosova të anëtarësohet në Këshillin e Evropës dhe të pranohet gjithashtu ka mundësi ti bëjë edhe disa hapa të vegjël drejt liberalizimit të vizave” ka thënë Imeri në RTV Dukagjini.
“Besoj se do të ndodhë anëtarësimi i Kosovës në Këshillin e Evropës, pasi kjo e shtyn shtetin tonë për të ndërmarrë hapa drejt liberalizimit të vizave”, ka thënë Imeri në emisionin “FIVE” në RTV Dukagjini.
Imeri, ka theksuar se anëtarësimi i Kosovës në Këshillin e Evropës e forcon Kosovën si subjekt në arenën ndërkombëtare.
Ekskluzive: Gërvalla e ka dorëzuar aplikimin për anëtarësim në KE