Juristja për media, Flutra Kusari, ka reaguar ndaj publikimit të audio-incizimeve të shefes së Grupit Parlamentar të Vetëvendosjes, Mimoza Kusari-Lila, në të cilat, ajo dëgjohet duke folur me Sllavko Simiq.
Kusari ka theksuar se publikimi i këtyre incizimeve nuk shkel ligjin në disa aspekte.
Sipas Kusarit, në lidhje me bisedat e publikuara në media, nuk ka shkelje të Ligjit Civil kundër shpifjes dhe fyerjes, nuk ka shkelje të Ligjit për Mbrojtjen e Burimeve, nuk ka shkelje të Kodit Penal dhe as nuk ka shkelje të Kodit Etik të Këshillit të Mediave të Shkruara të Kosovës.
Gazeta “Nacionale” tashmë ka publikuar edhe pjesën e 3-të të audio-incizimeve në mes të Slavko Simiqit dhe Mimoza Kusari-Lilës.
Në këtë audio-incizim dëgjohet Kusari-Lila teksa me Slavko Simiqin bisedojnë edhe për çështjen e veteranëve.
Po ashtu, në pjesën e tretë të audio-incizimeve, Kusari-Lila, gjatë bashkëbisedimit me Sllavko Simiqin, e quan idiot patetik Uran Ismailin.