Në kryeqytetin e Afganistanit, Kabul, gratë kanë organizuar një protestë të rrallë kundër vendimit të Talibanëve për t’i mbyllur sallonet e bukurisë.
Rreth 50 gra morën pjesë në këtë demonstratë, duke bërtitur “punë, bukë dhe drejtësi”. Përgjigjja e gardës së Talibanëve ishte përdorimi i topave uji për të shpërndarë protestuesit.
Talibanët, që erdhën në pushtet në Gushtin e vitit 2021, kanë kufizuar ashpër të drejtat e grave në vend. Ata kanë dërguar paralajmërim njëmujor bizneseve për të mbyllur sallonet e bukurisë në të gjithë vendin.
Sipas tyre, vendosja e parukave dhe rregullimi i vetullave kundërshtojnë vlerat e Islamit, ndërsa prindërit humbin para nëpër sallone të bukurisë kur bëhet fjalë për martesa.
Talebanët u kanë dhënë një muaj afat bizneseve nga 2 korriku për të mbyllur mijëra sallone bukurie në të gjithë vendin.
Ata thanë se vendosja e parukeve dhe praktika e heqjes së vetullave ishin kundër vlerave islame dhe prindërit po shpenzonin para në sallonet e bukurisë kur çiftet martohen.
Vendimi i Talibanëve, siç ka raportuar BBC, mbyll edhe më shumë hapësirën për gratë afgane, të cilat tashmë janë ndaluar të shkollohen pas klasës së gjashtë, të përdorin palestrat dhe të shkojnë në parqe.
Së fundi, Talibanët ua kanë ndaluar grave punën në Kombet e Bashkuara.
Oda Ekonomike e Afganistanit ka njoftuar se mbyllja e të gjitha salloneve të bukurisë do të rezultojë në humbjen e rreth 60,000 vendeve të punës.
Është interesante të përmendet se sallonet e bukurisë ishin mbyllur gjatë periudhës kur Talibanët kontrollonin Afganistanin në vitet 1996-2001.