Kryetari i Prishtinës, Përparim Rama, përmes një postimi në Facebook ka bërë të ditur se mbi 10 mijë udhëtarë po përdorin autobusët e “Trafikut Urban”.
Sipas të parit të Prishtinës, kjo po bëhet falë vendimit të marrë në muajin janar për përdorimin e biletës ditore.
“Superlajm! 10.000 udhëtarë më shumë po përdorin autobusët e ‘Trafiku Urban’, si rezultat i vendimit të marrë në muajin janar të këtij viti për përdorimin e biletës ditore”, ka shkruar Rama në Facebook.
Gjithashtu, Rama ka bërë të ditur se “Trafikut Urban” do t’i shtohen edhe 30 autobusë të rinj, 6 prej tyre do të jenë elektrikë.
“Shumë shpejt flotës së Trafikut Urban do t’i shtohen edhe 30 autobusë të rinj, 6 prej të cilëve do të jenë elektrik. Kjo do të përmirësojë tutje shërbimet e ofruara për qytetarët”, ka shtuar Rama.