Nëntë vjet pasi u diagnostikua me kancer ka ndërruar jetë sot gazetari i BBC-së, George Alagiah në moshën 67-vjeçare.
Përmes një deklarate agjentja e tij tha se gazetari Alagiah ka ndërruar jetë i qetë dhe i rrethuar nga familja dhe nga të dashurit e tij.
Alagiah ka prezantuar lajmet e BBC-së gjatë 20 viteve të fundit dhe para kësaj ishte një korrespondent i huaj i vlerësuar me çmime, duke raportuar nga vende si Ruanda e Iraku.
Lidhur me sëmundjen e tij, kancerin, ai u diagnostifikua me kancer të fazës së katërt në vitin 2014 gjersa zbuloi në tetor të vitit 2022 se sëmundja i ishte përhapur.
Gjatë homazheve, agjentja e tij u shpreh se “George ishte shumë i dashur nga të gjithë ata që e njihnin, si mik, koleg apo si një anëtar i publikut”.
“Ai thjesht ishte një njeri i mrekullueshëm. Mendimet e mia janë me bashkëshorten, djemtë dhe familjen e tij më të gjerë”, ka thënë agjentja e tij.
Derisa drejtori i përgjithshëm i BBC-së, Tim Davie ka thënë se “Nëpër BBC, të gjithë jemi jashtëzakonisht të trishtuar kur dëgjuam lajmet për George. Ne po mendojmë për familjen e tij në këtë kohë”.
“Ai ishte më shumë se një gazetar i shquar, audienca mund të ndiente mirësinë, ndjeshmërinë dhe humanizmin e tij të mrekullueshëm. Të gjithë e kanë dashur dhe do të na mungojë pa masë”, ka thënë Davie, raporton BBC.