Është pensionuar ish-mbrojtësi dhe trajneri nga Mitrovica, Fetah Ibrahimi.
18 vjet më parë, Ibrahimi kishte debutuar me Trepçën ‘89, duke qëndruar për tre vjet tek 89-shi, me një performancë të jashtëzakonshme në pozitën e tij.
Me “minatorët”, ai mbërriti deri në finale të Kupës, para se të largohej nga stadiumi “Riza Lushta”.
Me skuadrën e Trepçës, ai fitoi dy tituj, atë të kampionit të Kosovës dhe Superkupës.
Me Trepçën u shpall kampion edhe në Ligën e Parë të Kosovës, në vitin 2015.
Përveç dy skuadrave mitrovicase, mbrojtësi i krahut të djathtë, ishte pjesë e Drenicës dhe Vushtrrisë.
Ai kishte fituar çmimin si “Futbollisti i vitit 2018” në Mitrovicë.
Fetah Ibrahimi, u pensionua në ndeshjen e fundit të edicionit 2021/22, në Ligën e Parë, para publikut vendas me fanellën e Trepçës. Së bashku me nderimet e klubit, ai mori duartrokitjet e merituara për karrierën e tij të gjatë në futbollin kosovar.