Ministri i Mjedisit, Planifikimit Hapësinor dhe Infrastrukturës, Liburn Aliu, ka njoftuar se kanë filluar punimet për ndërtimet e kyçjes në Autostradën “Arbën Xhaferi” për të gjithë qytetarët e Vitisë.
Përmes një postimi në Facebook, Aliu ka bërë me dije se përmes kësaj kyçje do të zgjidhet një problematik shumëvjeçare e banorëve të Vitisë dhe zonave përreth. Sipas tij, punimet pritet të përfundojnë për 175 ditë pune.
“Ka filluar puna për Ndërtimin e kyqjes në Autostradën ‘Arbën Xhaferi’ për të gjithë qytetarët e Vitisë. Volume të shtuara në terren për ndërtimin e kyçjes në Autostradën ‘Arbër Xhaferi’ për të gjithë qytetarët e Vitisë, ku përmes kësaj kyçje, do të zgjidhim kështu një problematikë shumëvjeçare të banorëve të Vitisë dhe zonave përreth. Ju njoftojmë se punimet në projektin; ‘Ndërtimi i kyçjes në Autoudhën R-6 ‘Arbër Xhaferi’ në Viti’, pritet të përfundojnë në afatin e përcaktuar sipas kontratës për 175 ditë pune. Momentalisht është duke u punuar në Aksin 4 (Dalja nga Kaçaniku) dhe aksin 5 (Kyçja e Vitisë në drejtim të Prishtinës)”, ka shkruar Aliu në Facebook.