Analisti i rregullt i ‘Duelit Sportiv’, Ismet Munishi, ka thënë se skuadra e Ballkanit është duke bërë mirë që po i ruan futbollistët për ndeshjet evropiane.
Ai ka kujtuar edhe sezonin e kaluar, kur në disa raste skuadra suharekase kishte kërkuar shtyerjen e ndeshjeve.
”Në garat evropiane po luajnë shumë mirë. Shumë mirë që po i pushojnë lojtarët në kompeticionin vendor, e jo t’i shtyjnë lojërat sikurse vitin e kaluar. Është shumë mirë kur fiton ndeshjen me gjysmën e ekipit,” ka thënë Munishi.
Kujtojmë se Ballkani është në fazën ‘play-off’ të Conference League, ku të enjten do të përballet me Bate Borisov në stadiumin ‘Fadil Vokrri’ në Prishtinë.
Ndërsa, në dy ndeshjet e para në Superligën e Kosovës ka regjistruar fitore ndaj Lirisë dhe Feronikelit 74.