Ministri Krasniqi përmes një postimi në rrjetin social Facebook, ka thënë se ndihet i shqetësuar për rastin e ndodhur në Karagaç.
Ai ka shkruar se ka kontaktuar me ministren e Arsimit, Arbërie Nagavci, ku është njoftuar se rasti është duke u trajtuar.
“Ndihem i shqetësuar shumë për rastin e sotëm ku nxënësit e komuniteteve janë lënë anash në festën e Abetares, në një organizim në Pejë’’.
”Si ministër, si qytetar i këtij komuniteti dhe si qytetar i Republikës së Kosovës, përveçse e dënoj ashpër këtë gjest, ftoj institucionet që të thirren në përgjegjësi personat kompetent, të cilët e kanë bërë këtë gjest të rëndë”, ka shkruar Krasniqi.
Nxënësit të cilët ishin lënë anash kishin deklarua se ata ishin mbet anash pasi që mësuesja e tyre ju kishte diktuar se ku duhet të vendoseshin, ndërsa mësuesja e thotë krejtësisht versionin tjetër, pra duke thënë se ishte vullneti i nxënësve që të ulën në atë pjesë të sallës.