Grupi Parlamentar i Aleancës për Ardhmërinë e Kosovës(AAK) do të organizojë një tryezë diskutimi në të cilën do të flitet për situatën në arsim.
Ky diskutim pritet të zërë vend nga ora 11:00 në njërën ndër sallat në Kuvendin e Kosovës.
Kujtojmë se javën e kaluar, vendimi i MASHTI-t për t’i mbuluar shpenzimet e teksteve shkollore për nxënësit e klasave të para deri në të pestën, solli bashkë opozitën politike në Kosovë.
Partitë opozitare, PDK, LDK dhe AAK, kanë mbajtur një seancë të jashtëzakonshme në Kuvendin e Kosovës dhe kanë kritikuar Qeverinë Kurti për menaxhimin e dobët dhe dështimet në sektorin e arsimit.
3 ditë pas fillimit të procesit mësimor, MASHTI ka njoftuar se deri më 1 shator për subvencionim me tekste shkollore kanë pranuar gjithsej 133.500 aplikime.