Presidenti serb, Aleksandër Vuçiq, ka njoftuar se ka pasur një bisedë të rëndësishme me përfaqësuesit e QUINT-it, teksa këtë ditë e quan si një nga momentet më të vështira për Serbinë.
Në një postim në llogarinë e tij në Instagram, Vuçiq ka thënë se ka kërkuar që KFOR-i të kujdeset për “të gjitha çështjet e sigurisë në veri të Kosovës në vend të policisë”.
“Përsërita qëndrimin e Serbisë për ngjarjet e fundit në Kosovë dhe kërkova që KFOR-i të kujdeset për të gjitha çështjet e sigurisë në veri të Kosovës në vend të policisë së Kurtit. Gjithashtu, pyeta se pse EULEX-i u refuzua nga Policia e Kosovës për të marrë pjesë në operacion, i cili është zhvilluar në veri të Kosovës, ka shkruar Vuçiq.
View this post on Instagram
Një grup i armatosur, që sipas autoriteteve përbëhej prej rreth 30 personash, sulmuan Policinë e Kosovës në Banjskë të Zveçanit më 24 shtator, duke lënë të vrarë rreshterin Afrim Bunjaku.
Policia tha se tre sulmues të dyshuar u vranë gjatë shkëmbimit të zjarrit në Manastirin e Banjskës, ku u strehua ky grup i armatosur.