Eurodeputetja Viola von Cramon, është takuar të enjten e 19 majit, me kryeministrin e Malit të Zi, Dritan Abazoviq, për të cilin ka theksuar se e ka transformuar skenën politike dhe ka dhënë rezultate në sundimin e ligjit.
Përmes një postimi në Twitter, Cramon ka thënë se Mali i Zi e meriton të bëhet shteti i 28-të anëtar i Bashkimit Evropian (BE), pasi siç thotë ajo është partner i vlefshëm dhe i besueshëm perëndimor.
Great meeting with PM of #Montenegro @DritanAbazovic who transformed the political scene and delivered outstanding results on the #RuleofLaw.
🇲🇪 is a valued and reliable #Western partner and deserves to become the 28th #EU Member State 🇪🇺 soon!
Može Crna Gora!#relaksirani pic.twitter.com/64LxHNUZmF
— Viola von Cramon (@ViolavonCramon) May 19, 2022
Ndryshe, më 28 prill të këtij viti, Abazoviq, është zgjedhur kryeministër i Malit të Zi, me 45 vota pro, nga 81 deputetë sa ka gjithsej kuvendi malazez.Abazoviq ka hyrë në histori si kryeministri i parë shqiptar që udhëheq qeverinë në Podgoricë.
Me 45 vota për e tre kundër, 36 vjeçari do të drejtojë me qeverinë malazeze bashkë me dy ministra të tjerë shqiptarë nga 18 sa do të jenë gjithsej.