Një person është arrestuar në Deçan, më 21 tetor rreth orës 21:45, pasi kishte sulmuar fizikisht persona zyrtarë dhe kishte shkaktuar dëme materiale.
Siç ka raportuar Policia e Kosovës, gjatë rastit, i dyshuari ndodhej në gjendje të dehur.
Policia, po ashtu, ka njoftuar se i dyshuari gjatë arrestimit ka sulmuar edhe një zyrtar policie.
Të lënduarit nga sulmi janë dërguar për trajtim mjekësor.
“Është arrestuar i dyshuari mashkull kosovar, për shkak se në gjendje të dehur i kishte kanosur dhe sulmuar fizikisht personat zyrtarë, si dhe kishte dëmtuar disa pajisje. Po ashtu, gjatë arrestimit i njëjti ka sulmuar edhe një zyrtar policor”, thuhet në njoftimin e Policisë.
Në lidhje me rastin, Prokuroria ka vendosur që i dyshuari të dërgohet në mbajtje deri në hetimet e mëtejshme.